WALIMU WAJIPANGA MWAKANI KUWA NA MTAJI WA BILIONI 1.5 KATIKA SACCOSS YAO YA TUWAKA.BOFYA HAPA

Chama  cha  ushirika  cha  kuweka  na  kukopa  cha  TUWAKA SACCOSS  kinachoundwa  na  walimu  wa  wilaya  ya  Karagwe  na  Kyerwa  mkoani  Kagera  kimefanikiwa  kuongeza  wanachama  waliojiunga  na  ushirika  huo  na  kupata  mafanikio  mbalimbali  ikiwa  ni  pamoja  na  kununua  hisa  katika  benki  ya  wali mu  na  ushirika  mwingine.

Hayo  yamebainishwa  na  mwenyekiti  wa  TUWAKA  SACOSS   Elizabeth    Bukindu  wakati   akisoma  taarifa  ya  bodi  kwa  wajumbe  wa  mkutano  mkuu  ambao  ni  wenyeviti  wa  matawi   wa  ushirika  huo  amesema  wanachama  wameongezeka  kutoka  295  wa  mwaka  2006  wakati    ushirika  huo  unaanzishwa  na  kufikia  wanachama  1498  kwa  mwaka  huu  wa  2015  wanaume  wakiwa  ni  972 na  wanawake  526

Amesema  mafanikio  mengine  ya   TUWAKA  SACOSS  ni  kununua  hisa  katika  benki  ya  walimu  zenye  thamani  ya  milioni  tano  na  Ushirika  wa  Towers  Coperative   Joint  Enterprise  nazo  za  milioni  tano  pia .

Bukindu  amebainisha  changamoto  zinazokabili  ushirika  huo  kuwa  ni  pamoja  na  ucheleweshaji  wa  taarifa  kutoka  matawini  na  asilimia  60% ya  wanachama  kutokuwa  na  sifa  za  kukopesheka  kwa  mujibu  wa  taratibu  za  hazina  kwa  kuzingatia  kiwango  cha  makato  ya  mwanachama.

Katika  mkutano  huo  wanachama  wamepitisha  ukomo  wa  madeni  kwa  mwaka 2016  kuwa  ni  shilingi  milioni  miambili  huku  matarajio  ya  mtaji  wa  chama  unakadiriwa  kuwa  shilingi  bilioni  moja  na  nusu.

Mgeni  rasmi  Afisa  Tarafa  ya  Bugene  Nyaishozi  Rozalia  John  ambaye  amewmwakilisha  mkuu  wa  wilaya  ya  Karagwe  Deodatus  Kinawiro  ameutaka  uongozi  wa  TUWAKA  SACOSS  kuhakikisha  unatoa  huduma  sawa   bila  ya  upendeleo  wowote  ili  kujenga  imani  kwa  wanachama  pia  ameagiza   kufuatiilia  kwa  deni  wanaloidai  benki  ya  CRDB  kuhakisha  linalipwa  kabla  ya  Jumanne  ya  wiki  ijayo.

Kwa  upande  wake  mbunge  wa  Jimbo  la  Karagwe  Innocent  Bashungwa amewataka  kuwa  na  wataalamu  wa  masuala  ya  fedha  ili  kulinda  mafanikio  ya  TUWAKA  SACCOSS  na  kuwahaidi  kushirikiana  nao  kwa  masuala  mbayo  yanahusu  uwakilishi  wa  mbunge  na  atayafikisha  kunakohusika.

Hata hivyo  wajumbe  wa  mkutano  mkuu  wamepitisha  makinisi  ya  mapato  na  matumizi  ya  ushirika  huo  kwa  mwaka  2016  na  wanatarajia  kuanza  kujenga  ofisi  yao  ya  kudumu.