KUELEKEA UCHAGUZI MKUU OKTOBA 2015 TANZANIA

 

   Na  Juhudi    Felix-Karagwe

Joto  la  kisiasa  linazidi  kupanda  katika  jimbo  la  Karagwe    haswa  ndani  ya  Chama  cha  Mapinduzi  (CCM)baada  ya  kuzuka  hali  ya  sintofahamu  kwa   kile  kuonesha  kugawanyika    na  kuwepo  mgawanyiko  ndani  ya  chama  hicho  baada   ya  kuwepo  kauli mbalimbali  za  kutatanisha   kutoka  kwa  viongozi  na  hadi  kupelekea  wagombea  wawili  kati  ya  wanane  waliochukua  fomu  na  kuzirejesha  kujiondoa  rasmi  kwenye  mchakato  huo   wakidai  ni  kulinda  maslahi   ya  chama  kisigawanyike  na  kwenye  uchagunzi  mkuu  wa  oktoba  mwaka  huu.

Waliojitoa  kwenye  kinyanganyiro  hicho  wakati  walikuwa  wameanza  kampeini   za  kutambulishwa  kwa  wanachama  ni  Gosbert   Blandes   ambaye  ni  mbunge  anayemaliza  muda  wake na  Karimu  Amri  ambaye  ni  Mneck  wa  CCM  wilaya  ya  Karagwe.

Blandes  akihojiwa    na  waandishi  wa  habari  kisha  kutangaza  rasmi  kujiondoa  kwake  kupitia Redio Fadeco ambayo ni  ya    kijamii  iliyopo  wilayani  hapa  alisema  ili  kunusuru  chama  waliona  ndiyo  bora  zaidi  kuliko kukigawanya  na  kuleta  hali  ya  taharuki  ndani   ya  chama  na  ikizingatia  wao  ndiyo  wenye  wafuasi  wengi  katika  CCM  hivyo  waliona  ni  vyema  wakajiondoa    wote  na  kuwaachia  makada  wengine  sita  waliosalia  kuendelea  na  mchakato  ndani  ya  chama  huku  akisema  ataendelea  kuwa  mshauri  wa  karibu  na  kuunga  mkono    mgombea  yoyote  yule  atakayeteuliwa  na  chama  chake.

Karimu  Amri  ambaye  ni  Mneck   akitangaza  uamuzi  wake  wa  kujiondoa  kwenye  mchakato  huo alitumia  mkutano  wa  Jumuia  ya  wanawake   wa  CCM  yaani  (UWT)  uliofanyika  katika   ukumbi  wa  chama  hicho  uliopo  mjini    Kayanga   alisema kuwa  alizingatia  kauli  na utaratibu  uliopo  kuwa  Chama  kwanza  mtu  baadae  hivyo  ataendelea  kushirikiana  bega  kwa  bega    kuhakikisha   ushindi  kwa  chama  hicho   unapatikana   kwa  wagombea  wanaoendelea  na  mchakato.
Hali  ilianza  kujionesha  kuwa  ndani  ya  CCM  wilaya ya  Karagwe  siyo  tulivu  baada  ya  mwenyekiti  wa  chama  hicho  wilaya  ya  Karagwe  Robinsoni   Mtafungwa  kuitisha  mkutano  wa   waandishi  wa     habari    wilayani  Karagwe  uliofanyika  kwenye  ofisi  za    chama  hicho  makao  makuu  ya  wilaya  na  alimshtumu  sana   kwa  madai  ya  kudhalilishwa    na  mbunge  wa  jimbo  la  Karagwe.



Shutuma  ambazo  zinadaiwa  kutolewa  na  Mbunge  wa  jimbo  la  Karagwe  Gosbert  Blandes   dhidi  ya  mwenyekiti  wa  CCM   wilaya  ya  Karagwe  Robinsoni    Mtafungwa  ni  kuwa  alipewa  shilingi  milioni  tatu  za  kuanzisha  biashara  ya  baa  hapa  Kayanga,kulipiwa  deni  la  mkopo  wa  milioni  sita  alioukopa  akashindwa  kuurejesha, Kupewa  milioni  sita  na  laki  mbili kwa  ajili  ya  kusimamia  kesi  za  uchaguzi  wa  serikali  za  mitaa  mwaka  2014 na shutuma  nyingine  ni  kutoudhuria  mkutanbo  wa  Blandes  alioufanya  katika  kata  ya  Kiruruma   Julai  17  alidai  aliogopo  kuabishwa  kwa  wanachama.

Mtafungwa  amesema  kuwa  shutuma  dhidi  yake  ilitokana  na  ziara  yake  aliyoifanya  na  Mneck  wa  Karagwe  KARIMU  AMRI  katika  kuimarisha  chama  walibainisha  mapungufu  na  udhaifu  wa  mbunge  kwa  wanachama  kwani  alitoa  ahadi  ambazo  mpaka  sasa  hajazitekeleza  kitu  ambacho  alieleza  inaweza  kuwa  mzigo  kwa  chama  wakati  wa  kumnadi  kwa  wananchi  katika  uchaguzi  mkuu  wa  mwaka  huu.

Alisema   watu  ambao  walikuwa  karibu   na  mbunge  huyo  wakati  wa  kampeini  kuhakikisha   anapata  nafasi  hiyo  alisema  kipindi  hiki  anawaona  kama  maadui  zake  wakati walimsaidia alisema  yeye  alikuwa  kampeina  wa  Blandes  mwaka  2010,Karimu  Amri  alikuwa   kampeina   meneja  wa  mbunge  huyo  mwaka 2005  lakini  sasa  wanatofauti  kubwa  kuliko  mwaka  huku.


Mtafungwa  alitamka   mbunge  huyo  kudhibitisha  shutuma  hizo   ili  kuondolea  umma  udhalilishaji  aliotendewa  yeye  kama  mwenyekiti  wa  Chama aliyechaguliwa  kihalali  na  wanachama  na  kinyume  cha  kutofanya  hivyo  atachukua  hatua  zaidi  kwa    ngazi  ya  chama kwa  kupeleka  suala  hilo kwenye kamati za  maadili   kuanzia wilaya,mkoa  hadi  Taifa  na  vyombo  vingine  vya  kutafuta haki  kama  mahakamani.

Hata hivyo aliwataka  wanachama  wa  CCM  na  wananchi  wa  kata  ya  Kiruruma   na  wilaya  nzima  kuendelea   kuwa  na  imani  naye  na  kumwamini  kwani  hana  doa  lolote  na  hajawahi  kudhulumu  cha  mtu  na  shutuma  hizo  ni  za  mbunge  kutapata  kwa  ajili  ya  kupata  nafasi   wakati  akitambua  hajatimiza  ahadi  ambazo  alizitoa  na  akashindwa  kuzitimiza.

Robsoni  alikiri  kukopa  mkopo  wa  shilingi  milioni 3 na  siyo  milioni  6 zinazodaiwa   na  Mbunge  h  uyo   na  alisema aliukopa  Benki  ya  NMB  tawi la  Kayanga  iliyopo  mjini    Kayanga  wilaya  Karagwe  na  kwa  sasa  anaendelea  kuulipa.

Alipotafutwa  mbunge  anayemaliza  muda  wake Gosbert  Blandes  kuthibitisha  au  kukanusha    madai  hayo  alisema  hana  cha  kusema  pia  suala  hilo  anamwachia  Mungu  hivyo  hawezi  kuliongelea.


“Ninaomba  kwa  sasa  jambo  hili  muniache  nipumzike  kabisaa  nimewatumikia  wananchi  wa  Karagwe  kwa  kipindi  cha  miaka  10  wanajua  mabaya  na  mazuri  niliyowafanyia  wanakaragwe”Alisema Mbunge

Kujiondoa  wagombea  hao  kumezua mminongono  mingi  kwa  wananchi  wengine  wanaonesha  kukubaliana  na  hali  hiyo  hivyo  mchakato  huo  wameachiwa  wagombea  sita ambao  ni  Innocent  Bashungwa,Audax  Rukonge, Amoni  Chakushemeire,Mwalimu Dagobart  Deogratias,Kamuhangire Mjungu,na  Alfred  Rujwahuka  ambao  wanaendelea  na  ratiba  za  chama  za  kujitambulisha  kwa  wanachama  na  hatimae  kupigiwa  kura  za  maoni.

Katibu  wa  Itikadi  na  Uenezi  CCM  wilaya  ya  Karagwe   Robert  Runyoro  alithibitisha   taarifa  za  kujiondoa  kwa  wagombea  hao  ni  kweli   baada  ya  kufuata  kanuni  na  utaratibu  zinavyoelekezwa  kuwa  mpaka  kuandika  barua  kwa  uongozi  na  walifanya  hivyo  na  kikao  cha  siasa  na  uenezi  mkoa  kilifanyika  na  kuridhia  hatua  walioichukua.

Kuna  taarifa  zilizopo  ambazo  hazijathibitishwa  zinadai  kuwa  wagombea  hao  waliondolewa  na   agizo  toka  ngazi  ya  Taifa  kwa  kile  kinachoelezwa  ni  utovu  wa  nidhamu  waliouonesha  wakati  wa  ziara  ya  Katibu  Mkuu  wa  CCM   Taifa  Abdruhaman   Kinana  aliyoifanya  mwezi  juni  mwaka  huu.