KACHERO WA POLISI ATAFUTWA NA JESHI HILO KWA TUHUMA ZA MAUAJI YA WATU WAWILI.BOFYA HAPA

Jeshi  la  polisi   Kanda  Maalumu la  Dar  es  salaam  linawashikilia   askari   sita  kwa  tuhuma  za  kusababisha  vifo  vya  watu  wawili  waliotuhumiwa  kujihusisha  na  vitendo  vya  ujangili.

Jeshi  hilo  linamtafuta   Kachero  wa  polisi  mwenye  namba  E 5371 Issa  Kazimoto  ambaye  alitoroka  mara  baada  ya  kutokea  kwa  tukio  hilo.


Kamishana  wa  Jeshi  la  Polisi   Kanda  Maalumu  ya Dar  es  Salaam  Suleiman  Kova  amesema  miongoni  mwa  askari  hao  wawili  wanatoka  jeshi  la  Polisi  na  Wanne  ni  wa  Idara  ya  Wanyama pori   kikosi  kazi  cha kuzuia  ujangili Tanzania.

Kova  amewataja   askari  hao  kuwa  ni  Mkaguzi  wa  Polisi  Boni  Mbage  na  askari  mwenye   namba  E  919D/SGT Filbert   maarufu  kama Fulu  saba  na  wa  Idara  ya  wanyamapori  ni   Emmanueli  Mbaga, Deogratius  Mwageni,Joseph Jimmy na  Asubile  Mwakyusa

Amesema  askari  hao  kwa  pamoja  wanadaiwa  kufanya  mauaji  ya  wakazi  wawili  wa  jijini  Dar  es Salaam  ambao  ni  Yasini  Rashind  mwenye  miaka  46  mkazi  wa  Mabibo na  Samson  Masigare  mwenye  umri  wa  miaka  46  maarufu  kama  Ngosha  mkazi  wa  Mbezi  tukio  hilo  lilitokea  Desemba  19  mwaka  huu.