UCHAGUZI WA MWENYEKITI WA HALMASHAURI VURUGU TUPU KYERWA.BOFYA HAPA

Mwenyekiti  wa  Kikao  cha  uchaguzi  wa  kumpata  mwenyekiti  wa  halmashauri  ya  Kyerwa  Godian  Rugaimukamu  amekataa  kutii  zuio  la  mahakama  ya  hakimu  mkazi  Bukoba  la  kuwakataza  kutoendelea  na  zoezi  la  uchaguzi  mpaka  shauri  lililofunguliwa  na  chama  cha Demokrasia  na  Maendeleo  (CHADEMA)  kuhusu  mgawanyo  wa  viti  maalumu  vya  udiwani.

Akizungumza  baada  ya  zoezi  la  kuapishwa  kwa  madiwani  wa  halmashauri  hiyo  Mgombea  uenyekiti  aliyekuwa  amesimamishwa  na  CHADEMA  Prudence  Mweyunge  alisema  kikao  cha  kumchagua  mwenyekiti  siyo  halali  kwasababu  ya  kuwepo  Zuio  la  Mahakama  mpaka  shauri  lililofunguliwa  na  kupinga  kupewa  viti  maalumu  vya  udiwani  kinyume  na  kanuni  na  sheria  zilivyo  kwani  wao  katika  uchaguzi  walipata  madiwani 13  na  CCM kupata  madiwani 11 lakini  mgawanyo  wa  viti hivyo  vilibadilika  ambapo  chadema  walipata  viti  maalumu 4  na  CCM kupewa 5

Baada  ya  kutoa  maelezo  hayo  mwenyekiti  wa  kikao  cha  uchaguzi  Godian  Rugaimukamu  alikataa  kutii  Zuio  hilo   la  Mahakama   kwa sababu  alizotoa  kuwa  halikuwasilishwa  kwa  utaratibu  unaotakiwa  kwani  serikali  inao utaratibu  wa  kupokea  taarifa  kwa  maandishi  na  badala  yake  nakala  ya  Zuio  hilo alikuwa  nayo  diwani  wa  kata  Businde  ambaye  alikuwa  mgombea wa  nafasi  ya  uenyekiti  kupitia  CHADEMA  hata  hivyo  hakushiriki  zoezi  hilo  la  uchaguzi.

Madiwani  wote 15 walioapa jana  wa  CHADEMA  baada  ya  kukataliwa  kwa  hoja  hiyo  waliamua  kutoka  nje  ya  ukumbi  na  kuwaacha  madiwani   wa  CCM  pekee  yao  ambao  jumla  yao  walikuwa  ni  17  akiwemo  na  mbunge  wa  jimbo  la  Kyerwa  wakaendelea  na  kikao  cha  uchaguzi  wa  kumpata  mwenyekiti  wa  halmashauri  huku  ulinzi  ukiwa  umeimarishwa  na  jeshi  la  polisi  kikosi  cha  kutuliza  ghasia  hata  waandishi  hawakuruhusiwa  kuingia  ukumbini  humo.

Katika  uchaguzi  huo  uliokuwa  wa  upande  mmoja  waliochaguliwa ni  Kashunju  Lunyogote  diwani wa Kata  ya  Rukulaijo  kwa  nafasi  ya  Mwenyekiti  na  makamu  mwenyekiti  alichaguliwa  Jonas    Vedasto  wa  Kata  ya  Kamuli  ambao  wote  kwa  pamoja  walichaguliwa  kwa  kura  18  za  madiwani wa CCM   waliopiga  kura  hakuna  iliyoharibika  hata  moja.

Mwenyekiti  wa  Chama  cha  Demokrasia  na  Maendeleo  CHADEMA  wilaya  ya  Kyerwa  Deus  Rutakyamirwa akizungumza  na  waandishi  wa  habari  mara  ya  kutoka  nje  ya  ukumbi  alisema  kinachofanyika  ni  hujuma  za  kuitaka  halmashauri  kwa  nguvu  waliopoona  wamezidiwa  kwa  nguvu  za  wananchi  kwa  kuwachagua  madiwani wengi.

Alisema  kuwa  hujuma  hizo  zilianzia  kwenye  nafasi  za  viti  maalumu  kwani  wao  walipata  madiwani  13  wakapewa  viti   4  na  CCM waliopata  viti  11 walipewa  viti  5  alieleza  hiyo  ni  kinyume  na  Kanuni  na  sheria  za  kuwapata  madiwani  viti  Maalumu  hivyo  wakaamua  kufungua  shauri  mahakama  hakimu  mkazi  Bukoba   na  tayari  sumansi  ya  kuwaita  mahakamani  msimamizi  wa  uchaguzi  ngazi  ya  jimbo ,mwanasheria  mkuu  wa  serikali  (AG)na  mkurugenzi  wa  uchuguzi wa  tume  ya  Taifa wanatakiwa  kuhudhuria  mahakamani   Tarehe  14  mwezi  huu ili  kutoa  ufafanuzi  huo  wa  kisheria  na  ndiyo  maana  wanashangaa  Zuio  la  Mahakamani  Kutupiliwa  mbali.

Pia alisema  mleta  Zuio  hilo  alifuata  utaratibu  wote  ambapo  siku  ya  tarehe  09 ambayo  ilikuwa  mapumziko  alifika  ofisi  za  halmashauri  na  kusaini  kitabu  cha Mlinzi  na  siku  ya  kikao  ambayo  ilikuwa  juzi(Jana) alifika  asubuhi  saa  moja  na  kusaini  kitabu  alipoulizia  wahusika  aliambiwa  hawapo maeneo  hayo  lakini  taratibu  zote  alisema  kuwa  ni  ukaidi  wao tu.

Rutakyamirwa  alisema  hujuma  nyingine  ya  kuitaka  Halmashauri   ya  Kyerwa  ilikuwa  ni   kupitia  njia  ya  kuwabambikizia  kesi  ambapo  diwani  Mteule  wa  Kata  ya  Bugomora  ambaye  pia  ni  Katibu  Mwenezi  wa  CHADEMA  wilaya   Tulakila  Libenti  anashikiliwa  kwa  tuhuma  za  kuhusika  na  mauaji  huku   diwani  Mteule  wa  kata  ya  Kikukuru  Eustace   Rwegosora   aliondolewa  kwenye  kikao  muda  mfupi  kabla  ya  zoezi  ya  kuapishwa  kwa  madai    kuwa  anatakiwa  mahakamani  kwa  kukabiliwa  na  kesi  ya  kupiga  kura  mara  mbili.

“Kweli  ndugu  waandishi  hii  inachekesha  sana  diwani  wetu Eustace   Rwegosora     alishikiliwa  siku  ya  jumatatu  ya   tarehe  7  ya  mwezi  huu  mara  baada  ya  kuhairishwa  ghafla  kikao  ambacho  walikuwa  waapishwe  kwa  madai  eti  alipiga  kura  mara  mbili  walimtoa  ofisini  kwangu   na  Jumanne  ya   tarehe  8  alipelekwa  mahakamani  dhamana  ikawa  wazi  tukamdhamini  alipotoka  nje  ya  mahakama  alikamatwa  tena  na  polisi kwa  madai  eti  ni  mhamiaji  haramu  alipelekwa   uhamiaji  mkoa  na  baadae  kuachiwa sasa  mnaona  maagizo  hayo?”Alihoji   Rutakyamirwa.

Mwenyekiti  huyo  akizungumzia  diwani  wa  Bugomora   Tulakila  Libenti  alisema  wakati  tukio  la  mauaji  likitokea  katani  kwake  yeye  hakuwepo  na  alikuwa  wilayani  kwasababu aliamua  kukaa  huko  kutokana  na  vurugu  zilizojitokeza  Oktoba  15  wakai  wa  Kampeini  ambapo  yeye  mali  zake  ziliharibiwa  ambazo  ni  magari  matatu, pikipiki  mbili,Saluni  ya  kunyoa  nywere  ambayo  ilikuwa  inatumika  pia  kama  ofisi  ya  chama  katani  humo  pamoja  na  mali  kadhaa  za  wafuasi  wa  CHADEMA akiwemo  baba  yake  mzazi.

Akizungumza  mara  baada  ya  kuhairishwa  kikao  Makamu  mwenyekiti  wa  halmashauri  aliyechaguliwa  Jonas  Vedasto  alisema  kitendo  cha  kutoka  nje  wapinzani  wao  kisiasa  ni  kutojua  majukumu  yao  na  kutokomaa  kisiasa  hivyo  wawo  watawatumikia  wananchi  wao  bila  ya  ubaguzi  wowote  wa  kisiasa.

Hata  hivyo  bado  kuna  hali  ya  sintofahamu  ya  jinsi  gani   mwenyekiti  na  makamu  mwenyekiti  wa  halmashauri  hiyo  ushindi  walioupata  kwasababu  kwa  mujibu  wa  idadi  ya  wajumbe  walitakiwa  kuwa  17  sasa  kura  ya 18  ilitoka  wapi  na  kuna  madai  kuwa   Afisa  Tarafa  wa  Kaisho    Godian   Rugaimukamu  ambaye  alikuwa  mwenyekiti  wa kikao  alipiga  kura   na  alipotafutwa  hakukanusha  wala  kukubali.