KARAGWE WAIJADILI TASAF WATAKA WANUFAIKA WA MFUKO HUO WASAIDIWE KUWEKA MALENGO.

Jamii  wilayani  Karagwe  kwa  kushirikiana  na  viongozi  wa  kisiasa,dini,mashirika  ya  kiraia  na  serikali  wametakiwa  kuungana  kwa  pamoja  kuhakikisha  wanafuatilia  matumizi  ya  pesa  za  mpango  wa  kunusuru  kaya  maskini  zinazotolewa  kwa  walengwa  kama  zinatumika  ipasavyo  na  kutoa  matokeo  yaliyokusudiwa  na  Mfuko  wa  Maendeleo  ya  Jamii  yaani TASAF.

Kauli  hiyo  imetolewa  katika  kikao  cha  wadau  wa  maendeleo  kilichofanyika  katika  ukumbi  wa  kituo  Rafiki  cha  Vijana    maarufu  kama  Angaza  kilichopo  mjini  Kayanga ambapo  kikao  hicho kilichoitishwa  na  mfuko  wa  Maendeleo  TASAF  kwa  ajili  ya  kujadili changamoto  na  mafanikio  ya  utekelezaji  wa  Mpango  wa  kunusuru  Kaya  maskini  awamu  ya  tatu.

Wamefikia  uamuzi  huo wakati  wakipitisha  maadhimio  ya  kikao  hicho  ambacho  kilibaini kuwepo  baadhi  ya  walengwa  kutumia  ruzuku  zao  za  msingi  kinyume  na  makusudi  ya  mpango  wa  kunusuru  kaya  Maskini  TASAF  Awamu  ya  tatu  wamesema  moja  ya  changamoto  ni  kuzitumia  katika  starehe  kwa  kunywa  pombe  bila  kufanya  shughuli  yoyote  ya  maendeleo.

Aidha, Mkuu  wa  wilaya  ya  Karagwe  Karagwe  Deodatusi  Kinawiro  ameagiza  wataalamu  wa  TASAF  wilaya  ya  Karagwe  kuhakikisha  wanamuondoa  mara  moja   mke  wa  diwani  mmoja  ambaye  ametajwa  kwenye  kikao  hicho  kuwa  ni  mmoja  wa  walioingizwa  kwenye  mpango  huo  hivyo  kuagiza  aondolewe  na  kutakiwa  kurudisha  pesa  yote  ambayo  ameishapokea  kutoka  mpango  huo.

Pia  ameagiza  watendaji  wote  wa  vijiji,kata na  maafisa Tarafa  kuhakikisha   wanasimamia  kwa  karibu  malalamiko  yanayotolewa  na  akina  mama  kufanyiwa  manyanyaso  kwasababu  ya  kupokea  pesa  hiyo  ya  mpango wa   TASAF.

Kwa upande  wake  Elias  Sowani  ambaye  ni  mshauri  mwelekezi  wa    TASAF  wilaya  ya  Karagwe  akieleza  sifa  na  hatua  za  kuondoa    mlengwa  ambaye  anakuwa  amefariki   au  sababu  nyinginezo  za  msingi.

  

Naye  mbunge  wa  jimbo  la  Karagwe  Innocent   Bashungwa  ameshauri  kuangalia  upya  utaratibu  wa  Mpango  wa  kunusuru  Kaya  Maskini  walengwa  kupatiwa  ujuzi  na  miradi  ya  kufanya  kuliko  kuendelea  kuwapatia  pesa  taslimu  kwasababu siku  ikisitishwa  watarudia  hali  zao za  awali.

Hata  hivyo  washiriki  wa  kikao  hicho  cha  kujadili  utekelezaji  wa  Mpango  wa  kunusuru  Kaya  Maskini  wameutaka  uongozi  wa  TASAF  na  wadau  kushirikiana  kwa  karibu  kuhakikisha  changamoto  na  mapungufu   yaliyojitokeza  kwenye hatua  zilizopita.