NDO HALI YA MIUNDOMBINU KATIKA BARABARA ITOKAYO KARAGWE KUELEKEA BUKOBA AMBAKO NI MAKAO MAKUU YA MKOA WA KAGERA HILI NI ENEO LA KIHANGA BAADA YA KALAVATI KUSOMBWA NA MAFURIKO YA MVUA ZINAZOENDELEA KUNYESHA KATIKA MKOA WA KAGERA.

Na Mbeki Mbeki

MVUA ZIMEATHILI MIUNDOMBINU YA BARABARA KARAGWE.

Mvua zinazoendelea kunyesha katika Wilaya ya Karagwe Mkoani  Kagera imeleta madhara makubwa ya kuharibu miundombinu ya barabara, ikiwemo mazao ya kilimo.

Akizungumza jana na waandishi wa habari Diwani wa Kata ya Kihanga Josephat Kibate alisema kuwa barabara kuu kutoka mjini Kayanga kuelekea Bukoba mjini imefungwa kwa muda kutokana na kukatika kwa daraja na mafuriko makubwa yaliyopelekea barabara hiyo kuharibika kabisa 

Kibate alisema kuwa mvua zinazoendelea kunyesha tangu April, 30 mwaka huu zimeleta maadhara makubwa ya kuharibu miundo mbinu ya barabara ni pamoja na kuharibika kwa mazao ya kilimo.

Alisema kuwa mvua hizo zimekata mawasiliano kati ya Kata na Kata na Wilaya na Wilaya ambapo alisema kuwa kwa muda wa siku tatu magari yote ya abiria  hayakuweza kusafiri na wananchi walishindwa kufanya shughuli zao za maendeleo.

Aliongeza kuwa zaidi ya hekari 50 za maharage katika Kata yake zimeharibiwa na mvua ni pamoja na na kahawa ambayo kwa kipindi hiki alisema mvua zinapoendelea kunyesha zao hilo uharibika na kuharibu uchumi wa Wilaya na Taifa.

Kwa upande wake, Diwani kwa Kata ya Kibondo Jean Adamu alisema kuwa barabara inayotoka Katani kwake yenye urefu wa km 30 kuelekea Makao makuu ya Wilaya imeharibika sana ambapo aliongeza kuwa magari makubwa ya wafanya biashara yamekwama katika barabara hiyo kutokana na mafuriko.

Alisema kuwa barabara hiyo imekuwa korofi kwa muda mrefu kutokana na kujengwa chini ya kiwango, na kuwa nyakati za mvua abiria wamekuwa wakipata usumbufu kutokana na maji mengi kutuama barabarani.

Aidha mkuu wa Wilaya ya Misenyi Kanali Mstaafu Issa Njiku akizungumza na gazeti hili kwa njia ya simu kutoka Dodoma alikiri Kuwepo kwa hali hii ya mafuriko katika sehemu mbalimbali za Wilaya yake na wananchi wengi kuathirika kutokana na mafuriko ya mvua.

Hata hivyo amewataka wananchi Wilayani humo wanaoishi katika mabonde kuhama mara moja katika maeneo hayo kuwa hategemei kusikia lawama baadae zikielekezwa kwa Serikali kutokana na Ofisi yake kutoagiza hilo kwa wananchi.

“ Nimekuwa mara kwa mara nawaagiza wananchi kuepuka kujenga mabondeni lakini baadhi ya wananchi ni wagumu kutekeleza maagizo hayo madhara yake wameathiriwa na mafuriko” Alisema Njiku.